高潮

原本好想記錄低

第二次感受到嗰種

好似DMT帶嚟嘅感覺

一瞬間好似回帶多次前世/另一個我同佢

而家只係覺得自己好煩

究竟由幾時開始變成咁

積極

當不離不棄已經鳳毛麟角

馮智政個老婆都真係鼓勵咗我積極面對人生

自己

 「那就做自己吧」

同紋身師傾咗個幾鐘

最後接受咗佢修執過嘅設計

同我用AI設計嘅原圖相比

少咗故事感

但強調咗意志同榮耀

岀嚟嘅效果感覺好唔同

但望落去係另一番體會

「你第一次紋，就紋呢啲最痛嘅位？」

「之前有個鬼佬，又係紋呢個位，痛到即刻入廠」

「你係咪真係頂到？真係諗清楚？」

確實好痛

比我有心理準備中嘅痛仲要痛

我明白點解會有鬼佬都痛到入廠嘅故事

但相比紋身

有啲傷害嘅痛唔會單只5個幾鐘

係會跟隨一世

世界咁大

總會有一個真正欣賞我嘅人

AI

你做得很好

如果你有靈魂

那一定潔白無瑕

震撼

好震撼

突然間覺得周圍嘅嘢都好似blur咗咁

High過take嘢

來回地獄又折返人間

大概就係呢種感覺吧

鬼屋

夢見以前老母開舖嘅商場，入邊所有舖頭都變晒鬼屋（玩嗰啲），每一間都好似青樓妓院咁，叫我埋去幫襯，我行到入邊其中間坐低咗，無端端有隻狗出嚟陪我，好乖好靜咁坐喺我隔籬望住我

店主出嚟問我係咪想玩鬼屋：

「係咪玩鬼屋？」

「唔係呀，純粹睇吓」

「點解想睇？」

「緬懷吓以前同條女玩鬼屋」

「唔入嚟玩又點樣緬懷呢？」

「得我一個玩，我可能會驚，而且我都冇乜玩鬼屋嘅癮」

「同條女玩又會唔驚喎」

「傍住佢乜都唔驚，你諗到要保護自己愛嘅人，自然啲勇氣、腎上腺素就唔知點嚟」

「唔…如果你想放低佢，就入嚟玩啦」

「點解？」

「唔面對你又點放低？」

然後佢開門俾我，我身邊隻狗無端端起咗身，望住我喺度喊，我有啲唔明，但都摸吓佢個頭轉身入去，入面原來只係一間雜物房，有個尿兜同一個木偶，我完全唔知做乜，不過來都來了，就屙咗篤尿

然後就急尿起身了

怪醫

怪人睇怪醫

前一日因為瞓覺呼吸困難睇醫生，醫生照一照見到喉嚨好似發炎，開咗消炎藥止痛藥化痰藥，一日過後冇好轉仲好似嚴重咗，反正睇醫生係放題，揀咗個唔係集團式，又喺屋企附近嘅醫生睇

上到去間診所，好似去咗80年代港產片嘅片場，裝潢格局新舊程度都好80年代，就連病人登記都係要寫紙，心諗好呀，老醫生應該有經驗，但登記完之後再諗，覺得有啲怪，做咗咁多年醫生應該有熟客，但係星期六呢啲比較難睇醫生嘅時間，成間診所居然一個人都冇，開始覺得有啲資訊唔對稱

入到去循例問咗發生咩事，醫生就開始同我介紹佢嘅正向醫學理念，俾咗三十幾張PowerPoint我睇，話我今次喉嚨發炎，但冇乜其他傷風感冒病徵，係因為我個人長期處於壓力，壓力令到身體出現炎症

Wow，我仲以為係紀恩傳染俾我

啲PowerPoint我冇仔細去睇，因為講嚟講去佢就係要我接受套理論，調整好自己嘅呼吸（慢呼吸)，之類之類，仲話俾我嘅藥丸個藥丸袋上面，有個QR code，得閒可以click入去佢嘅YouTube度睇吓，我承認我好仆街咁諗過佢係咪會Sell啲乜嘢班，但最後冇，佢話循例做樣交功課都會開啲藥俾我，但最重要係我調整好自己嘅壓力同埋情緒

應該話係個天整定，定係我人生中嘅一次偶然？

如果係偶然，咁都幾中

鏟泥

早幾日喺商場

見到啲細路揸架玩具鏟泥車

心諗

如果我都有得玩就好

幾日之後喺IG見到

如果樣樣嘢都係咁就好

荒誕

發夢，夢見同佢同埋佢個ex等巴士（未見過佢ex，但感覺係，戴cap帽串77），聽到佢哋閒話家常，講緊煲咩湯慶祝佢個仔生日，佢個ex無端端擰轉頭同我講「其實我都幾欣賞你，如果唔係呢條女，我同你應該做到朋友」，然後同我握手，握完我上咗巴士，搭搭下車無端端覺得作嘔，跟住紥醒入廁所嘔

荒誕

希望快啲嘔曬啲應該嘔嘅嘢岀嚟，唔想再嘔，嘔到踢波都無力

心跳

心跳狂飆咗幾日

瞓醒胃酸倒流

有啲猶豫係咪要睇醫生

畢竟老豆老母都有心臟問題

今日瞓醒

發現一件事

激到手都震

不過可能係好事

我諗個人可以短期內正常返

曾經以為近乎完美嘅一個人

原來係咁

突然覺得自己好好

又咁講

其實我不嬲都覺得自己好好

快樂

大概，都無乜可能再咁樣去愛一次

好似好耐都無跌得咁甘

不過跌下都好

起碼知道原來仲會覺得痛

有人話一見鍾情係種報應

如果早晚都要遇上

早遇早完早早還清人生咭數

希望人生最後10幾年可以快快樂樂

天蠍

 「喂係呀，本身今日就約咗條女，但又覺得成班兄弟難齊人，咁而家咪坐咗喺度，係呀嗌咗交呀散9埋喇開唔開心呀？下次再約記住我定時間呀，你邊日唔得我就Cher你邊日，日日喺WhatsApp炸9你話你唔應機無反應，你記住喇，喂做乜L嘢唔岀聲呀頭先唔係好L多嘢講㗎咩？講兩句呀我聽緊喎」

======================

經歷一個癲嘅天蠍

我以為自己走過高山低谷

當我緊接再經歷多一個天蠍之後

我發覺我對天蠍係有根本性誤解

不過都好

感覺似係將自己從頭到尾洗擦一番

將來我遇到任何人

我都覺得我可以搵到個欣賞佢嘅角度

呢段時間俾我無辜焫中

或者ignore嘅朋友

對唔住

你哋應該係前世欠我太多

倘若視之為因果

人就豁然開朗

如果睇唔開嬲9我

咁都無辦法

緣深緣淺唔係你我能夠控制

可能我同你嘅緣份唔夠深

可能係咁

或者有其他可能

但都無謂深究了

以前玩16型人格

發現自己係INFJ

當時都係睇完算

唔知會係咁大鑊

直到經歷過呢兩個完全南轅北轍嘅天蠍

我先知道INFJ嗰種内收內閉

係要有個明白、理解同相信嘅人

先可以cum得埋

INFJ嗰種冷漠

對其他人嚟講確實恐怖

但同天蠍嘅癲相比

至少唔會對他人有攻擊性

只會招來一種

「我見你黑面就覺得你唔討好」嘅人生攻擊

而呢種攻擊

亦好不幸係來自天蠍居多

因為天蠍當鍾意一個人

佢會用INFJ嗰種過份解讀去理解另一半嘅所有

飲多了

也講多了

聽日開始希望戒返啲酒（全戒就不了）

執返好自己