零八年七月

眨下眼北京奧運又到
成個月都無得放假
趁住幾日病假
點都要整返一篇日記

七月頭
阿威擺大壽
同日仲慶祝埋雞脾ming生日


當日既阿威...



繼朱楓之後
另一個勝利的微笑


當日我逗留左三個鐘
但係臨走前阿ming都已經到頂





因為娛樂台太過也文也武
所以月中決定出戰星期五打比
不過未去之前
就已經比肯德基個姐姐吹到啤一聲

話說
我去肯德基買早餐
咁我見而家肯德基出左隻特濃朱古力
就諗住餐飲轉飲

我問個姐姐轉唔轉得
但就得到咁既回應
「請問餐飲可唔可以轉朱古力」
「要加五蚊喎」
「無問題，轉杯凍朱古力啊唔該」
「下，朱古力無凍個喎」
「哦...咁算啦...咁轉飲蘋果汁」
「蘋果汁都要加錢喎」
「得...無問題」
「唔會轉其他野飲喇可？」

大佬
問下者
唔駛腰得咁盡既
我好平靜咁答左句「唔會」
以為無事

點知


果位姐姐仔整左個有黑椒汁既香蜜鬆餅比我食
我都唔敢拎去換

當日
踢完波
同阿傑、基恩忽起條根
去唱K



開頭
都好地地
阿傑仲保留到個學生look



唱到中途
就變成咁


可能佢既樣態影響到我


基恩就一味食、上網、食、上網



不過
Neway d午餐定食都ok好食


就連阿輝都比我地感染
由屋企趕過黎


呢幅相
同賭聖入面個龍五
真係好似


最後呢次即興活動
就係一片歡呼聲中結束




呢個月既飯局似乎特別多
正確黎講
應該係邊爐局

呢次就係同班舊同學



大家都表現兇狠


兩位主角
「籃球教練」柏得烈
同埋「二百分貝燥音」Tiga


當晚大家叫左個豬骨煲
但係叫左之後
又嫌d豬骨阻住個爐
要夾起晒

為乜？


餐後餘生


Tiga既燥音
去到甜品舖都keep得到
好野




除左邊爐之外
都仲有其他特別既飯局
好似呢日咁
原本打算同馬菲去食壽司

結果
真係去左食壽司
但就揀左個與別不同既食法

先係去朗豪坊下面間超市
買大量壽司
然後去美食廣場開餐

可能我地既行動太瘋狂
所以側邊d人都不斷眼望望

睇相會比較易明



由刺身到壽司樣樣都有



我同馬菲仲另外柯打左個印度咖喱餐
主要都係想食個薄餅

馬菲仲要隊酒
好野




光頭都唔執輸
都叫左個印式三文治

佢叫我幫手食d
我就夾左一舊
不過佢就無講係乜野肉
結果中計
原來係羊肉




臨近月尾
得左個大病

個病
其實只係感冒
但d菌就似乎對我聲帶情有獨鍾
令我失聲失左接近一個禮拜


起初
就去執中藥
有甘草、胖大海、仲有...


鹹竹蜂...
我一見到
就已經唔想飲...

黎到打日記時
仍然未回復到正常狀態
搞到基恩要繼續做我既「安信兄弟」

放低，放不低

個日記真係好慘
就好似我身邊所有野一樣
比我完完全全掉低成個月咁滯

為乜？
哈哈




好耐未寫過日記
好似有d提不起勁
好似有d生手
好似有d唔知點寫
好似有d想唔寫
好似有d掛住以前日日掛住寫日記既日子
好似有d羨慕自己日日都大把野想用個日記記低既時候
好似有d on9
好似有d手震
好似有d眼水滴左落keyboard




好似有d mood到可以開始落筆


前排
我老豆無端端換左我間房部電視
我細佬即時將廳果部ps2搬入房
於是搞到我日日返到入房都要篤返兩板先訓覺




近排
個人開始生活不正常
食野開始「求其納雜」中帶點挑剔
放工一個人無野做去百佳買幾條魚蒸
再煮個印尼撈麵咁樣就一餐
突然覺得自己健康中帶點神經質


前排
小環個老婆（對唔住因為年齡關係我真係好難叫一聲阿媽-_-"）
落左黎香港準備生我個妹
「生前」一個禮拜仲可以夜晚十二點幾出黎宵夜
我直覺上覺得我個妹將來都應該係夜蒲一族




有人話光頭個樣越黎越似黃興桂
我就話佢比黃興桂多了一份斷腳既唏噓



全家幅






應師姐之請
去左個舊生聚會
到場時先知
我果屆得我一個人去
蘇exciting


以前既珠海新聞
唔知點解好似好pro
睇返我地整果份
唔知點解好似好...


執字粒用既字粒表
我未學過未用過未玩過
當然都未欣賞過


呢個表我就玩過喇
不過絕對係個痛苦既回憶


左下角本書
係俞淵若出品
佢N年前送左本比我
估唔到N年後都仲有大把貨


選科表啊
又係一個痛苦既回憶


呢個聚會大概包左十圍檯
有人帶埋仔女黎
我覺得自己同呢個場合真係好格格不入


唔單止仔女
郁民仲要抱埋個孫黎
死未


絕對唔係我呢個年代既人應該出席既場合...






七月七日
以前我會諗起七七事變
但由今年開始
可能要做多樣野
就係幫個妹慶祝生日


佢真係超級細粒
細粒到好似一舊蠶蛹咁樣








我以前完全唔覺得小環處於一個「做得爸爸」既年紀
但係睇住佢拋住個妹果一刻
我先醒起佢其實已經做得人阿爺了


出入要戴口罩
仲要洗手
而家去醫院探病
原來都幾煩


前排去左北角食韓燒
路過一家便利店
見到個十蚊扭蛋「刨冰機」
即時中計
去唱十蚊


結果
原來而家扭隻蛋都要出咭既
結果買左張二十蚊既咭
扭左一次
再睇其他
全部無興趣
結果
........