板塊

以前我唔信講大話都有分善意同惡意，而家信了，原來坦白艱難，善意大話一樣難

===========================================

早幾個月飲了幾餐滿月酒，都是很久不見、幾乎至老死不相往來的舊同學，其中一餐，滿席拖男帶女闔府統請，小朋友嘻嘻嚷嚷好不熱鬧，杯觥交錯道盡往昔點滴

直至提起佔中

「提起班契弟就火都黎…」

「阻L住曬搵食DKLM…」

「得閒就返屋企讀書啦…」

席間，最似、最接近一個知識份子（偽）的我，夾著檯上的酸菜蘿白一粒一粒放入口，那種酸，不是來自醃酸菜的醋，也不是眼紅同學們事業有成，而是不知甚麼原因感覺被孤立，

「喂肥然做乜咁靜，你唔係有份玩呀？」

「哈哈，係呀，哈哈」

然後繼續夾酸菜蘿白，那一刻我多希望檯上的酸菜蘿白是五餅二魚永遠夾不完，肚脹或胃酸過多都好死了便算，全檯人的熱鬧氣氛又回到起點，你有你撚仔我有我湊女，大家都不敢說句真話，各有各在逃避

是誰令青山也變？

一位面容兇狠但苦口婆心，開運輸公司的同學如是說：

「肥然，有時候要為自己打算下，我知你掂既，但如果真係有乜唔掂既，過黎搵我啦」

那一刻，我feel到自己眼淚衝湧到眼框，我相信其中三成源於一種雪中送炭的感動，另外七成是深深覺得，眼前一班對我很好的舊同學，能夠真正交心的沒剩幾人，看著他們撚仔湊女的溫馨場面，我感到欣慰，但整檯人好像劃了分界，我變成這檯人中一件分裂開去的板塊

所以，每次跟雨傘後的90後交流，他們都不明白、難以理解80後在這場運動上的尷尬位，關鍵在於身邊朋友，成家立室前後的心態轉變，你總不能老罵人港豬話人貪圖安慰，設身處地想一想，當你們都到了這個關口，大概都會以家庭、既有事業以及圈子作本位思考

剩下我這種人，在不適當的場合「講呢D」，難免feel so lonely