奧運完了

終於都等到呢一日

正如基恩所講
開始時睇落
好似有排都未到
去到呢日睇返
又好似眨下眼就無左

最後一日
聽到一句「甘句」
叫做「體諒下北京同事」
原本最後一日都係因為收故仔而「慶慶地」咁過
不過諗諗，呢日係「腦細」生日
聽到佢打落黎笑笑口問我地點
都有種「唉‧算啦」既感覺

出到旺角
去打冷
先見到「周潤發」同「狄龍」
即係型到爆既朱楓同大頭
佢地仲要捱多個禮拜

兩男一女去打冷
可能太餓鬼
夾埋叫左五個菜一窩粥
不過焦點仍然在於「喊」
亦都證明我之前諗既
大致上都正確
智力加左十

雖然過左奧運
仲有個美網同殘奧
但已經唔需要狂踩
可以恢復輪放
開始覺得係放假中
開始想去下旅行