遺憾

好不容易剩返三日EURO
好不容易適應朝早又返通
先覺得自己年紀老



畢竟我太習慣stable
任何頻率太高既變化波動
我都覺得好煩

就好似飲茶要飲津路
一飲就十幾年

七年來固定一個stylist
中佬一個
把口唔收
但偏偏剪親都合心水
一坐低埋位叫聲「照舊」就ok

又例如九年龜縮於cable
內容就唔講啦

講講下都唔知自己講乜


===========================


完。

成件事應該可以完。

我有諗過係我忙往返工
所以個人慢慢淡化件事

又有可能過左五月
始終每一年呢個月
臨近某個日子
個人係比較神經質

平時已經多野諗
去到五月更有creative

今年見返阿恩
簡直係十年內一個高潮

最後大家無再聯絡
畢竟去到當晚
我無坦白講我心裡面諗緊乜
成件事已經可以完

如果兩個人一齊面對或者share件事
最後可以令件事解決甚至消失
我一定講

但on9都知
根本唔得

有人會覺得件事發展落去
可能兩個人一齊互相激勵打氣cheerup
然後到N年之後慢慢淡忘
間中每隔幾年又可以約出黎食個飯傾下近況
好正面好正能量好yeah

信既
都只係自欺欺人

如果每件事每個問題既根本解決唔到
成世人只能夠透過逃避同呃自己過活

件事點解解決唔到？

因為問題本身
那位仁兄
已經唔係度
你可以點？

可能係簡簡單單一句說話
好簡單亦有d無謂
但有時就係咁簡單既一件事
你miss左個timing
往後既發展已經係另一個平衡宇宙
返都返唔到轉頭

thats why每一件事每一個決定或說話
我都要諗清諗楚清清楚楚

我太了解想返但又返唔到轉頭那種遺憾