成熟

短短一個月，多些少
短短三十日，多幾日

七百幾個鐘頭，大概有四萬幾分鐘
二百幾萬秒裡面，我個腦大概都無休息過

以前細個會覺得
唔成熟，好無安全感
因為唔成熟，因為唔識諗
甚麼中招中伏奶撻奶野踩蕉皮
間中都會來個聚會
但因為唔知幾時會有聚會
唔識驚，不過正因為咁
唔需要擔心、無負累
每日都能夠過得開心

到左而家
叫做接觸到成熟了
中招中伏奶撻奶野踩蕉皮的機會少了
對於中招中伏奶撻奶野踩蕉皮的預感卻越來越靈了
明明知道即將發生
尚要倒數著「幾時先至會黎」
尚要盤算著「點樣先有得救」
老套一句：
「死亡不可怕、等待死亡才是可怕」

以前細個
預料唔到幾時會發生
發生後會愕然、然後傷心
但年輕力壯有幹勁
新陳代謝得快
很快就好了

而家...
明知將會發生
每日都要花時間想想怎樣自救
餘下時間又要想想萬一、萬一、再萬一...
結果就是生活時間被活活堵死
發生前不開心、發生後又來傷心
過了幾年再回憶起，又會覺得窩心
新陳代謝又不及已往
復原速度絕對是56k
這樣去計、真的蝕了
好一個《心之全蝕》

原來有能力、有機會去想，未必幸福
可能上帝早已經睇通睇透
唔比你食禁果，唔係有心愚化大家
而係想大家活得開心、無憂無慮

成熟就是這樣，無聲無息令我們步向消沉
智慧更是一種無型毒藥
當我們成熟了，聰明了，醒了
我們身邊的快樂時間就逐漸褪色







可能這種想法
是另一種「幼稚」吧